Сад лагьай к|ар:
Лезги халкьдин сур ч|аварин адатрикай рахур ч|авуз к|век|ни куьк|ве адан фу чуран культурадикай рахуна к|анда. Вучиз лагьайтӏа лезги фан чуран технологияди вири дуьнядиз т|вар акъуднава. Лезги фан т|ям, иер акунар, гъвел-гъвел хьана авахь тийин, чурчурдилай къулухъ гзаф ч|ав ч|ур тахьана амукьин виридаз чизва. Ин фу «хьар» лугьудай лезги къула чуразва. Лезгири чпин к|валерин патав фу чурчадай к|вал эцигзава. Адазни хьран к|вал лугьуда. Ин к|валихъ ракни дак| кутазва, къенейни хъачихъай лацу ранг ягъазва ва михьивилиз дат|ана килигзава. Ина лезгирин виридалай ц|уру къулакай садтир хьар эцигзава. И кар чирвилер авай устари кьиле тухузва. Хьар яру чеб, сахзи нокь, гъвеч|и чиргъер ва ц|егьрен ч|арар акадарнавай хурхадикай расзава. Ихьтин хурх хъсандиказ акадарзава, са гьафтеда адал гъил элкъуьрзава ва адакай вичиз ктугай ни атайла къулун кура туькlуьрзава. Ам эхъэндихъ са шмуд къуна хъуркъун патал эцигзава. Ахпа хьран к|вализ тухана вичин чкадал эцигзава ва къваларизни хурх ягъазва