ША, АХЪАЙИН ХУРУН КЬЕФЕС…
(Гъезел)

Иер суна, ихтияр це, са темен гун, ви ал хъуьхъвез,
Вун акурла амукьзава, зун гьиссерин гьуьле эхъвез.

К|ан я заз вун, лап шагьвар хьиз, къарагънавай гатун цик|из.
Ша ахъайин хурун кьефес, чара ая кузвай рик|из.

Пеш юзайт|ан багьнаяр кьаз, гьар сеферда хъел ийимир,
Са т|имилкьван пел ахъая, накъварикай сел ийимир.

Белки диде илчи ракъун, туп|ал кутан шуьк|уь туп|ухъ,
Зурна, далдам кардик кутан, мехъер ийин ц|инин зулухъ?!

…Чан иерди, зи к|аниди, минет хьурай ваъ лугьумир,
Ви дердинай дили я зун, дивана я, ша наз гумир…
Теране Керимова Оруджева.